RIHA - Çalakiya "Nobeta Edaletî" ya Keyeyê Şenyaşarî 187 rojî yo dewam kena. Keyeyî ewro nê mesajî pare kerd: "Helbet do no zulm cayêk de vindero.”

 

Emîne Şenyaşar û lajê xo Ferît roja 187ine de bi waştişê “edaletî” nobeta xo dewam kenê. Seba ewro Edliyeyê Rihayî padeye yo, Ferît û Emîne keyeyê xo yê Pirsûsî de çalakîya xo dewam kerdî. Keyeyî serê hesabê xo yê medyaya dijîtalî de nê pare kerd: “Dayika ke di laj û mêrdeyê ci nêweşxane de ameyê qetilkerdiş, verê edliye de her hewar û qîrînê aye açaryeno dewa. Rojane dewa ci rê yeno akerdiş û vendenê ci ke îfade bido. Helbet do no zulm cayêk de vindero.”