MÊRDÎN - TOKÎyê ke îqtîdar tim xo rê sey berê rantî xebitneno, beno sebebê mexdûrkerdişê xeylêk welatijan. Sevîm Aydin ke na babete ser o mexdûr bîya, dîyar kerd ke înan TOKÎ nêwaşto û wina vatt: "Tena ez nê bi seyan keyeyê feqîrî nê sazîyan de estê. Asansorê înan nêxebityenê, boye kanalîzasyonan ra yena, her rey borîyê awe teqêno. Bi desan problemê wina rî danê. Bi desan zî astengdarî estê. Wa vengê ma bêro eşnawitiş. Xo ker û lal mekerê."

 

Sevîm Aydina ke 2 serrî û nîm seba problemê mecbûr menda bêrê TOKİ wina vana: “Mêrdeyê mi nêweşîya kanserî esta. Ma  qate 5ine de manenê, seba ke asansor çin a, bi 2 serrî û nîm o tîya asê mendo. Ez zî ey dir asê manena. Ma ameyê heta nika asansore wina ya lazim o viraznê. Ma wazdnê ke berpirsyarî ma bieşnawê.

 

‘Ma TOKÎ nêwaştêne’ 

 

Sevîm Aydin ke dîyar kerd înan TOKÎ nêwaştê û vat: “Wexto ke TOKÎ ameyî viraştiş ma nêwaştêne, ma nêrazîbîyayîşê xo zî ramojna. Verê keyeyê ma misteqîl bî û weş bî. Vera keye û erdê ma qate 5ine de cayêk dayê ma. Ma deyndarê dewlete yê zî. O wextî ra mêrdeyê mi nêweş kewto. Bi hetkarîya ma lazimîyê xo  pêşwazî keno. Lajê mi keno paşta xo û beno ano. Vernîya 2 serran zî ma mecbûr ameyî TOKÎ. Tîya de zî ma nêeşkenê biciwîyê. Ma reyna yenê mexdûrkerdiş."

 

‘Xo ker û lal mekerê!’

 

Sevîme ke hem hetê tedawî de hem zî hetê ekonomî de zehmetîyan ancena wina vat: “Tena ez ney bi seyan keyeyê feqîrî nê awanîyan de estê. Asansorê înan nêxebityenê, boye kanalîzasyon ra yena, her rey borîya awe teqêna. Bi desan problemê wina vejênê. Bi desan zî astengdarî estê, bi seyan kesê ke emrê înan pîl o estê. Nê awanîyan de lazim o înan zî  bifikirîyê. Ma selahîyetdaran ra waştişê hetkarî kenê. Wa selahîyetdarî vengê ma bieşnawê. Xo ker û lal nêkerê."