AMED - Dewaya Komeleya Cinîyan ya Rosa Ayla Akat Ata ameye vînayîş de heyetê dadgehe qerar da ke dosyaya Ayla  bi ya Kobanê ke Enqere de yena vînayîş bikerê yew.

 

Roniştişê dewaya çarçeweya cipersayîşê Komeleya Cinîyan ê Rosayî de bi îdiayê "Endamîya rêxistine" awankerdişê Komeleya Cinîyan ya Rosayî Ayla Akat Ata ame akerdiş de 5ine Dadgeha Cezaya Giran ya Amedî ame vînayîş. Ayla bi rayîrê SEGBÎSî Zîndanê Cinîyan ê Sîncanî tewrê roniştişî bî. Avûkata Ayla, Elif Tirenç û Gozde Engin zî roniştiş de amade bî.

 

Heyetê dadgehe waşt ke dosyayê 22ine Dadgeha Cezaya Giran ya Enqere de bibê yew.