Rozerîn Gultekîn

 

AMED - Endama Meclîsê Ciwanan ê HDPyî Ezgî Orak kampanyaya "Ma tiryakîbîyayîş biqedênê, cuyêka newe awan bikerê’ erjna û vat: “Xebitnayîşê tiryakî sey metodêke şerê  taybet bi serran o herême de yeno kerdiş. Bi no hawa hewl danê ke mîsyonê rayberîyê ciwanan pasîf bikerê û têkoşîn ra dûr bifînê. Ma cinîyê ciwanî hemverê tiryakbîyayîşî do bibê rayber û têkoşînê pîl bikerê.”

 

Meclîsê Ciwanan ê Partîya Demokratîke ya Şaran (HDP) do startê kampanyaya "Ma tiryakbîyayîş biqedênê û cuya newe awan bikerê” 10ê êlule de bido. Meclisê Ciwanan bi na kampanya hedef keno ke bale bianco serê xebitnayîşê tiryakî ke serrê peyîn de herême de zêde bîyo û sewbîna ciwanan dir bêrê têhet. Meclîsê Ciwanan ê HDPyî Ezgî Orak derheqê kampanya de zanayîş da û bale ant serê tiryakî.

 

‘Tiryakî polîtîkayê şerê taybetî ya’

 

Ezgî dîyar kerd ke îqtîdar xebitnayîşê tiryakî herême de sey parçeyêke polatîkayê şerî xebitneno û vat: “Xebitnayîşê tiryakî sey metodêk şerê taybetî bi serran o herême de yeno xebitnayîş. Bi no hawayî hewl danê mîsyonê rayber yê ciwanan pasîf bikerê, eynî wextî de zemînê asîmîlasyonî bikerê. Îqtîdarê faşîst bi polîtîkayê serê ciwanan de bikerê, wazenê îqtîdarê xo xurt bikerê. Bêvengîya hemverê nê polîtîkayan zî tesîrê faşîzmî zêde keno.”

 

‘Cinîyê ciwanî rayberî kenê’

 

Ezgî tewr peyîn wina bale ant serê têkoşînê cinîyan û vat: “Ma do prosesê dermankerdişî ciwanan de û rojanê dimayê ci kîşte ciwanan de bê. Ma do pîya proses derbaz bikerê. Her çiqas prosesê tiryakî ra xelaskerdiş zehmet bo zî la bi paştdayîşêk xurt û hişmendîyê komelî ma do serkewte bê. Sey her wareyê cuye nê têkoşînî de zî cinîyê ciwanî rayber ê. Bi taybetî cinîyê ciwanî hedef gênê û tiryakî, fuhuş û ajanî yeno ferqkerdiş. Bi no hawa wazenê cinî rolê awankerdişê cuye qût bikerê û darbe bidê têkoşînê cinîyan ro. Ma sey cinîyê ciwanî do hemverê tiryakî têkoşîn bikerê, bibê rayber û têkoşîn pîl bikerê.”