ENQERE - Goreyê raporê Platformê Ma do Kiştişê Cinîyan Vindarnê. menga tebaxe de 31 cinî ameyî qetilkerdiş û 21 cinî zî bi hawayêke guman dinyaya xo bedilnayê.

 

Platforma Ma do Kiştişê Cinîyan Vindarnê (KCDP) raporê xo yê derheqê dayeyê qetilkerdişê cinîyan ê menga tebaxe de eşkera kerd. Goreyê raporî menga tebaxe de 31 cinî ameyî qetilkerdiş û 21 cinîyan zî bi hawayêke guman dinyaya xo bedilnayê.

 

Rapor de no ame parekerdiş: "6 cinî hetê mêrdeyê ke înan dir zewicnayebî, ameyî qetilkerdiş. 5 cinî hetê merdimê xo ra ameyî qetilkerdiş. 4 cinî hetê heskerdoxê xo yê verê ra ameyî qetilkerdiş. 4 cinî hetê pîyê xo ra ameyî kiştiş. 3 cinî hetê naskerdoxanê xo ra, 3 cinî hetê lajê xo ra ameyî qetilkerdiş.

 

Tewr zêde cinî hetê naskerdeyê xo ra yenê qetilkerdiş û yan zî bi şîdetî dir rî bi rî manenê. Kesê ke hêz danê kiştoxan dîyar ê. Polîtîkayê ke yenê awankerdiş, hêz danê kiştoxan û hêrişkaran. Selahîyetdarî gelo seba tedbîrgirewtişî pabeyê çî yê? Ma do heta peynî têkoşînê xo dewam bikerê û hemverê kiştişê cinîyan de bêveng nêbenê."