RIHA - Emîne û Ferît Şenyaşar yê ke menga 6ine de nobeta 'Edaletî' dewam kenê, reaksîyon vera vatişê Wezîrê Dade Abdulhamit Gulî ke vat, "Berê edliyeyan deriyên edaletê ne" dan. 

 

Nobeta 'Edaletî' ya verê Edliyeyê  Rihayî ya Ferît û Emîne Şenyaşar ke mêrde û lajê ci hetê pawitoxê AKPyî Halil Yildiz ra ameyî qetilkerdiş roja 178ine de dewam kena. Keye serê sibayî ame meydanê bi "Quncikê edaletî yê keyeyê Şenyaşarî" yeno binamekerdiş û bi dowîzê "Wa edalet bê zulm biqedîyo", "Seba tûtanê min ê ke ameyî qetilkerdiş edalet, seba her kesî edalet" dest bi çalakîya xo kerdî. 

 

'Dinya nê zulmî verê berî de taqîb kena'

 

Keyeyî serê platformê medyaya dîjîtalî de Wezîrê Dade Abdulhamit Gul etîket kerd û wina vat: "Wezîrê Dade Gul vano: 'Berê edliyeyan berê edaletî yê.' Wexto nê vatişan vano hayayê ci berê Edliyeyê Rihayî ra çin o. Na dayîka di tûtan a û mêrdeyê aye nêweşxane de ame  qetilkerdiş, bi 6 mengî yo nêeşkena nê berî ra derbazê zerî bo. Dinya nê zulmê verê berî taqîb kena."