RIHA - Emîne û lajê xo Ferît Şenyaşar ke 176 rojî yo verê edliyeyî de têkoşînê edaletî danê, nê mesajî pare kerd: “Dozger û kesê ke bî sebeb, şima do hesirê çimanê ma yê ke verê edlîye de dayî varnayîş bifetisyê."

 

Çalakîya “Nobeta Edaletî” ya keyeyê Şenyaşarî ya vernîya Edliyeyê Rihayî de roja 176ine de dewam kena. Keye saetanê serê sibayî de meydanê sey “Quncê edaletî yê Keyeyê Şenyaşarî” yeno binamekerdiş çalakîya xo ya nobete dayî destpêkerdiş.  

 

Keyeyî serê hesabê xo yê twîtterî de nê mesajî pare kerd: "Bi 176 rojî yo ma waştişê edaletî kenê. Ti gerre kena nêbeno, ti nêkena nêbeno. Dozger û kesê ke bî sebeb, şima do hesirê çimanê ma yê ke verê edlîye varnayê de bifetisyê."