WAN - HDPyijî ke seba mîtîngê 1ê Êlule Roja Aştîye ya Dinya ke do bi bi sloganê, "Aştî cuye ya, Aştî dana ciwîyayîş' bi taybetî veng dayî cinîyan û vatî, "Ma cinîyê ke awankerdoxê cuye yê; hemverê şerî azadî û cuye pawenê. Seba nê pêro dinya de ma do rayberî seba aştî bikerê. Seba ke reyke bîn cuye, beden û ameyoxê xo rê wayîr vejîyê ma do wareyan de vajê aştî.

 

Partîya Demokratîke ya Şaran (HDP) heme cayê welatî de seba 1ê Êlule Roja Aştîye ya Dinya xebatê xo yê bêmabên dewam kenê. Çarçewaya nê xebatan de xebatê seba Mîtîngê ke do HDP bi sloganê  "Aştî cuye ya, Aştî dana ciwîyayîş" 1ê Êlule Roja Aştîye ya Dinya de organîze bikero, qedîyayî. Mîtîngo ke do bi beşdarbîyayîşê Hemsereka Pêroyî ya HDPyî Pervîn Buldan û Hemserekê Pêroyî yê DBPyî Keskîn Bayindir bêro kerdiş, verê Parkê Musa Anter bêro organîzekerdiş. Cinîyê ke seba amadekarîyê mîtîngî rayberî kerdî, pêro şarê Wanî dawetê mîtîngî kerdî.

 

'Ma cinîyê kurdî rayberîya têkoşînî kenê' 

 

Hemsereka HDPyî ya Wanî Handan Karakoyun ke dîyar kerd ke seba mîtîngê ke kuçe bi kuçe, tax bi taxe gêraya wina vat: "Tewr zêde cinî benê mexdûrê şerî. Seba nê zî cebheyê şerî de yê xoverdayîşî de tewr verên de ca gênê. Seke ma îşxalkerdişê Talîban ê Efxanîstanî de dî. Camêrdî seba ke xo xelas bikerê remayî welatê bînan. La cinîyan welatê xo terk nêkerd û xo ver dayî. Ma cinîyê kurdî zî heme wareyan de têkoşînê xo dewam kenê. Ma bi ruhê xoverdayîşî vengdayîşê tewrbîyayîşê mîtîngî cinîyan rê kenê."

 

'Seba waştişê cinîyê tepişteyî bêrê mîtîngê 1ê Êlule'

 

Îdarekara HDPyî ya Bajarî Gurbet Oktay zî seba Mîtîngê 1ê Êlule bi taybetî veng da cinîyan û vat, "Eke  cinî nêbê, aştî bi ca nîna. Hemserekê ma yê verê û bi hezaran endamê partîya ma seba ke vatî, 'Aştî' zîndan de yê. Pêwa binpaykerdişê heqan ê zîndanan zî cinîyî fek waştişê xo ra vera nêdanê û mîyanê çar dêsan de xo ver danê. Ganî ma teber û wareyê mîtîngî de waştişê înan bîyarê ziwan."

 

'Rayberê aştî cinî yê' 

 

Parlamentera HDPyî ya Wanî Muazzez Orhan zî wina vat: "Ma cinîyê ke awankerdoxê cuye yê; ma hemverê şer, aştî, azadî û cuye pawenê. Seba nê zî heme dinya de ma cinî rayberî aştîye rê bikerê. Ma do wareyan de reyke bîn, seba ke ma beden, cuye û ameyoxê xo rê wayîr vejîyê vajê, aştî û azadî. Ma veng danê heme şarê Wanî, cinî û ciwanan kenê ke bêrê meydanê mîtîngî û seba aştî vengê xo berz bikerê."

 

'Tewr zêde lazimîyê cinîyan bi aştî û têduştî esta' 

 

Hemşaredara Ebaxî ya ke mazbatayê ci nêame dayîş Leyla Atsak zî got: "Cinîyan hemverê şer û qirkerdişî de her wext aştî pawitî. Tewr zêde cinî aştî wazenê. Seba ke tewr zêde cinî benê mexdûrê şerî. Cinî yenê qetilkerdiş. Keda înan yena pelçiqnayîş. Tewr zêde lazimîyê ma cinîyan bi aştî û demokrasî esta. Coka ma veng danê heme cinîyan ke tewrê Mîtîngê 1ê Êlule Roja Aştîye ya Dinya bibê."