Marta Somek

 

STENBOL - Cinîyan bi wesîleyê 1ê Êlule Roja Aştîye ya Dinya de dîyar kerdî ke nê sîstemê ciwîyenê de aştî çin o û wina veng da: "Aştî zî ewro sey heqê rumet û nan, bi têkoşîn û xoverdayîşî merdim eşkeno bi dest bikero."

 

1ê Êlule Roja Aştîye ya Dinya de binê sîwanê şer, pandemî, nîjadperestî û dişminî hemverê cinîyan de yeno pêşwazîkerdiş. Cinîyê Stenbolî derheqê 1ê Êlule Roja Aştîye ya Dinya de qisey kenê û waştişê xo yê derheqê aştîye de ardî ziwan.

 

'Eke ke bi hêrişî dir nêrî rî bi rî no şansêke yo'

 

Berîvan Saruhan dîyar kerd ke seba aye persa "aştî seba to çi îfade kena" şer ano hişê ci û vat: "Dorê merdimayî de şer dorpêç kerdo. Eke ewro ez rastê hêrişêk nîrî, bêguman no bi pêroyî de şansêk o. Çike ez cayêk bi hizûr û asayîş de nîya."

 

'Nê sîstemî de aştî çin a'

 

Semra Aslan, dîyar kerd ke sîtemê ke ciwîyenê de aştî çin o û vat: "Sîstemêk emperyal û dewletê faşîstan de, vatişê aştî çin o. Rewşa şerê Afganîstan, Surîye, Tirkîya merdim eşkeno sey rewşê şerî yê hemverê cinîyan zî bêerjno. Seba nê zî aştî waştişê heme şarê dinya ya."

 

'Mimkun nîyo ke ma qalê aştî bikerê' 

 

Hatîce Urun zî wina vat: "Rewşa bîyaye de ez nêeşkena vajî ke aştî esta. Welatê ma de zî eynî çî serdest o. Seba her kes bi endîşeyîn o, merdim bi zîhnîyetê nîjadperestî dir yenê rî bi rî. Wexto ke rewşe wina bo ez nêeşkena qalê aştî bikerî. Hêvîya mi zî aye ke her kes têduşt û azad biciwîyo. Seba aştî tewr zêde cinî têkoşîn kenê. Komelê Tirkîya û bi taybetî dinya de cinî seba aştî têkoşîn kenê. La çi heyf Tirkîya de vernîya cinîyan yena padayîş. Her çiqas wareyan de têkoşîn bikerê zî xeylêk rey rastê  astengîyan yenê. La pêwa her tewir astengiyan cinî fek têkoşîn ra vera nêdanê."

 

Ozlem Ozturk bi taybetî dîyar kerd ke Tirkîya de hawirêk aştî mimkun nîya û wina vat: "Krîzê ekonomî, şer, nêweşî û şewat... Ez derheqê aştî de lebatêk nêvînena. Ez cayêk aştî xeyal kena ke cinî uca de azad b. Ez 1ê Êlule de vengdayîşê cuyêka azad kena."

 

'Ez wazena hêvîyêke wey bikerî' 

 

Yeşîm Çîl derheqê aştî de nê mesajî da: "Aştî seba mi cuyêka bê ters û azad îfade kena. La çi heyf aştî çin a. Merdimî tena xo fikrîyenê. No zî mi tersneno. Ez seba ameyoxê tûtanê xo tersena. Wazena ke  hêvîyêke zerrîya xo de pîl bikerî. La ez zaf tersena. Ez wazena ke her kes têduşt û azad biciwîyo. Ez zerrî ra nê wazena."