RIHA - 172 rojî yo Keyeyê Şenyaşarî edalet gêreno. Keye ewro nê mesajî da: "Wa edalet bêro û zulm bi peynî bibo.” 

  

Keyeyê Şenyaşarî 172 rojî yo Edliyeyê Rihayî de çalakîya “Nobeta Edaletî” kenê. Keye ewro zî ame verê awanîya edliye û derbazê cayê çalakîya xo ya her roje bî û dest bi nobete kerdî. 

 

Keyeyî dovîz û pankartan akerd û waştişê xo ardî ziwan. Keyeyî serê hesabê xo yê Twitterî de Wezaretê Dade, Wezîrê Dade Abdulhamît Gul û Serokkomarî etîket kerd û wina vat: “Semedê heq, huqûq û edaletî Qesra Edaletî ya Rihayî de têkoşînê me yê edaletî binê zulmî de dewam keno. Wa edalet bêro û zulm peynî bibo.”