STENBOL - Keye, wasî û avûkatê Rayberê PKKyî Abdullah Ocalanî, bi waştişê ke roja dişeme pêvînayîş bikerê, muracatê Serdozgerîya Komare ya Bursa kerd.

 

Avûkatanê Rayberê PKKyî Abdullah Ocalanî ra Nevroz Uysal, Îbrahîm Bîlmez, Mazlum Dînç û Serbay Koklu, bi waştişê ke roja dişemî bi muwekîlê xo dir pêvînayîş bikerê muracatê Serdozgeriya Komare ya Bûrsayî kerdî. Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî û keyeyanê tepişteyan ê bînan ê Îmraliyî ra birayê Omer Hayrî Konarî Alî Konarî, birayê Hamîlî Yildirimî Plat Yildirim û waya Veysî Aktaşî Melîhe Çetîn zî bi rayîrê avûkatanê xo seba pêvînayîşî muracatê Serdozgerîya Komare ya Bursa kerd.

 

Serdozgerîya Komare ya Bûrsayî, bi bahaneyê Ocalanî serra 2009 de pawitişê bi nameyê "Xerîtaya Rayîrî" Dadgehê Heqê Merdiman ê  Ewropa (DMME) rê şawitib, 23ê Êlule 2020 de 6 mengî cezaya qedexeyî avûkatanê Abdullah Ocalanî rê birnabi. Pêwa cezaya qedexeyê avûkatan 23ê Adare de peynî bî zî reyna avûkatî nêeşkenê şêrê Îmraliyî û ne negatîf û ne pozîtîf cewab înan rê nîno dayene.

 

Avûkatanê Abdullah Ocalanî dimayê 8 serrî mabêne 2-22ê Gulane, 12-18ê Hezirane û 7ê Gulana 2019 de şîbî Îmraliyî.

 

Tewr peyîn serê îdeayê medyaya komelî de vila bî, dimayê reaksîyonê komelî 25ê Adara 2021 de Edliyeyê Rihayî de tena 4.5 deqîqeyan bi rayîrê telefonî birayê xo Mehmet Ocalanî dir qisey kerd û telefon nîme de amebê birnayene.