DÊRSIM - Qezaya Xozatî adir bi daristanî kewt, 10 rojî yo dewam keno û destûr nîno dayîş ke kes mudaxile bikero. Walîtî zî bi bahaneyê “şîyîş û ameyîş çin o” mudaxele nêkeno. 

 

Adir, bi operasyonê leşkerî dewanê Koçerî, Kûrûkaymak û Danzî yê girêdayê qezaya Xozatî ya Dersimî de bi daristanan kewt û vizêr vilayê dewa Ûzûnçeşme bi, 10 rojî yo dewam keno. Adiro ke bi tu hawayî mudaxile ci rê nîno kerdiş, bi desan hektar erdî kerd welî. Ame dîyarkerdiş ke welatiyê ke waştî adir bitefnê zî hetê leşkeran ra ameyî astengkerdiş.

 

Walîtiya Dêrsimî zî eşkerayîya nuşteyî weşand kerd û îdîa kerd ke seba “şîyayîş û ameyîşê herême çin o” mudaxileyê adirî nêkenê.