Nobeta Emîne û Ferît Şenyaşarî roja 171ine de ya

  • 14:54 26 Tebaxe 2021
  • NAROJANE
 
RIHA - "Nobeta Edaletî" ya Emîne û Ferît Şenyaşarî roja 171ine de ya. Avûkatê înan Serhat Kurt verê Edliyeyê Rihayî de vengdayîşê hîsgêrî kerd û vat ke wa her kes paştdayîş bido çalakîya keyeyî ke do rojê bêrê de Enqere de dewam bikerê.
 
Keyeyê Şenyaşarî (Emîne û Ferît Şenyaşar) ke hîrê ferdê keyeyê xo hêrişê AKPyî de vînî kerd, roja 171ine de “Nobeta Edaletî” verê bînaya Edliyeyê Rihayî de dewam kena. Keyeyî ewro zî bi akerdişê dowîzan waştişê xo yê edaletî reyna kerd.
 
‘Do no zulm peynî bibo’
 
Keyeyî serê hesabê xo yê Twitter de zî hesabê Wezaretê Dade, Heyetê Pêroyî yê Meclîsî û CHPyî etîket kerd û wina vat: “Niyetê şimayê nêbaş û berjewendîyê şima yê siyasî keyeyêk çin kerd. Şima keyeyê dayike açernayo verê berê edlîye. Dozger zî şima vernê de wîjdanê xo eşt û dima ra şima cube da xo ra. Helbet do no zulm peynî bibo.”