RIHA - Çalakîya Keyeyê Şenyaşarî 168 rojî yo dewam kena û keyeyî mesajê xo yê ewro de wina vat: "Wa êdî no zulm peynî bibo. Ma nê bêhuqûqî qebûl nêkenê."

 

Çalakîya “Nobeta Edaletî” ya Emîne Şenyaşar û Ferît Şenyaşar 168 rojî yo verê Edliyeyê Rihayî de dewam kena. Keye nê serê sibayî reyna ame vernîya edlîye û dest bi “Nobeta Edaletî” kerd. 

 

Ferît Şenyaşar dîyar kerd ke nobeta înan edaletî roja 168ine de dewam kena û wina vat: “Edîrne ra heta Qers her keso ke wayîrê wîjdanî yo ma heqdar dî û paştdayîşê ma kerd. Paytextê Tirkîya de Wezîrêk Edaletî esto û her roje nê bêedaletîyê verê Edliyeyê Rihayî de vîneno, ne mimkin o ke nêvîno. Her rojêke ke ma tîya yê, seba edaletî Tirkîya deqêk sîya yo. Ma wazenê Wezîrê Dadî peynîya nê bêedaletî bîyaro. Ma do rojê vernîya ma de şêrê Enqere. Ma do reyna şêrê verê Wezareta Dade. Wa êdî no zulm peynî bibo. Dayîka mi 65 serrî ya, vera ke keye de boya xo bido la binê zulmî de edalet gêrena. Ma nê bêhuqûqî qebûl nêkenê.”