RIHA - Keyeyê Şenyaşarî çalakiya xo ya "Nobeta Edaletî" 165 rojî yo dewam kenê. Keyeyê da zanayîş ke dimayê betlaneyişî edlî do têkoşînê xo  Enqere de dewam bikerê.

 

Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayîş lajê xo Ferît Şenyaşarî reyde roja 165ine de xoverdayîşê edaletî rê dewam kena.

 

Ferît Şenyaşarî semedê têkoşînê hemparî veng da û vat: ''Netîceya têkoşînê ma yê edaletî de Tirkîya de yew hîsgêrîye ame ra. Xeylêk kesî estê ke sey ma raştê bêedaletîye ameyî. Rabîa Naz, Umuda Gunduz, Misra Oz,  dewayê Soma û Pîrsûsî û bi desan dewayê bînî winayênî estê. Badê tehtîlî ma do têkoşînê xo bikirişê Enqere. Ma veng dana heme kesanê ke raştê neheqîye ameyî wa bêrê ma pêro pîya têkoşînê hemparî bidê ke wa huqûqê serdestan birijîyo û edalet bêro ca.''