Sema Çaglak 

 

AMED - Zozan Fatma Aygoren Pîran de bi dikana şarkuterî debara xo kena û tesîr serê cinîyanê qeza kena. Zozane dîyar kerd ke cinîyî yewbînan ra cesaret gênê û vat: "Esnaftî karêko bi rîsk o. Cesaret û bawerîyêk pîl wazeno. Xeylêk cinîyê ke yenê dikanê mi xebata mi ra tesîr benê û cesaret gênê. No çî mi kêfweş keno."

 

Tewrbîyayîşê cinîyan ê wareyê ekonomî xo dir cîyabîyayîşê pozîtîf ano û edî cinî bi rengê xo esnaftî kenê. Pêwa heme zor û zehmetîyan têkoşînê xo bi qerar kenê. Nê cinîyan ra yewe zî Zozan Fatma Aygoren a. Demo ke mîyanê komelî de nimûneyê wina serkewte vejîyenê werte û hêz danê derûdorê xo zî. Tewr zêde cinî hewl danê ke ekonomîyêka xoser bi dest bikerê.

 

Zozan Fatma Aygoren qezaya Pîranê Amedî de dikanê şarkuterî dana şuxulnayîş û pê debara xo kena. Zozan Fatma demê pandemî de dest pêkena û pêwa heme zehmetîyê nê prosesê pandemî serê lingan de manena.

 

'Cinî do yewbînan ra cesaret bigîrê'

 

Bi esnaftî dir cuya Zozane xeylêk vuryayo û Zozane rewşa xo wina qal kerd: "Dimayê ke mi dest bi nê karî kerd kelecanêk mi dir virazya. Semedo ke cinî tena keye de ameyê sînorkerdiş. Ez tîya de kesê cîya nas kena û no çî semedê mi zaf baş o. Gama ke cinî yenê tîya, ez zaf kêfweş bena û semedê cinîyan zî weş beno. Semedê xebate cesaret lazim o. Çiqas esnafê cinî bibê do hende tesîr serê yewbînan de bikerê û yewbînan ra cesaret bigîrê."

 

'Berardiş xozaya cinîyan de esto'

 

Zozane dewam de wina vat: "Verê zî ez keye dir bi karê cîya dir eleqedar bîne. Mi werd viraştêne û rotêne. Mi neqş viraştêne û rotêne. Mi nê karan debara keyeyî kerdêne. Cuya mi her wext bi berardiş derbaz bî. Xora berardiş xozaya cinîyan de esto."

 

'Semedê xebate cesaret û bawerî...' 

 

Zozane tewr peyîn wina vat: "Esnaftî karêko zaf bi rîsk o. Cesaret û bawerîyêk pîl wazeno. Xeylêk cinîyê ke yenê dikan xebata mi ra bi tesîr benê û cesaret gênê. Sewbîna gama ke esnafêke cinî zî vînenê kêfweş benê. Ganî heme cinî çi destê înan ra bêro bikerê."