ŞIRNEX - Cizîr û Şirnex de tewr tay 8 kesî ameyî destbendkerdiş.

 

Ame zanayîş ke qezaya Cizîr û Şirnexî de polîsan saetê serê sibayî de eşt serê xeylêk keyeyan û tewr tay 8 kesî ameyî destbendkerdiş. Cizîr de sereştişê keyan de welatijo bi nameyê Nûrettîn Ûçkaç ame destbendkerdiş. Sebebê destbendkerdişê Nûrettînî nêame zanayîş û ame dîyarkerdiş ke  ey berdê Mudûrîyê Polîsan ê Qezaya Cizîre.

 

Qezaya Silopi de zî sereştişê keyan de polîsan welatijê bi nameyê Bêrîvan Sûnmez, Muhammet Şevîşoglu û Mehmet Bîlgeç destbend kerd. Sebebê destbendkerdişê înan nêame zanayîş. Ame zanayîş ke Bêrîvane ardê Mudurîyê Polîsan ê Qezaya Cizîre, Mehmet û Muhammet zî berdê Mudûrîyê Polîsan ê Qezaya Silopî.

 

Sewbîna polîsan seba lajê Hemsereka Partîya Demokratîke ya Şaran (HDP) Nergîz Aşkin, Zekerîya Aşkin eştê serê keyeyî. Zekerîya ke keye de nêbi nêame destbendkerdiş. Ame zanayîş ke derbarê ey de qerarê tepiştişî esto.

 

Yeno vatiş ke hûmara destbendkerdişan do zêde bibo.