RIHA - Emîne û lajê ci Ferît Şenyaşar yê ke têkoşînê xo yê edaletî dewam kenê vatî: "Merdimayî nê zulmî qebûl nêkena."

 

Bi hêrişê merdim û pawitoxê Parlamenterê AKPyî Îbrahim Halil Yildiz mêrde û lajê Emîne Şenyaşar ameyî qetilkerdiş û lajê ci Ferît zî bi birîndarî felitya. Nobeta edaletî ya Nobeta Emîne û lajê ci Ferît Şenyaşarî verê Edlîyeyê Rihayî de roja 159ine de dewam kena. Seba bînaya edliyeyî ewro padeyeya coka keyeyî xo yê Pirsûsî de nobeta xo dewam kenê.

 

'Merdimayî nê zulmî qebûl nêkeno'

 

Keyeyî serê hesabê xo yê medyaya dîjîtalî de dîmenê demê serdayîşê paştdayîşê yê Şubeyê Amedî ya Konfederasyonê Sendikayan ê Kedkarê Îstîmlakî (KESK) de amebî antiş bi nê mesajî pare kerd: "3 canê ke Nêweşxaneyê Dewlete de ameyê qetilkerdiş estê. Fek sîyaset û meqamî ra vera bidê hema reyke xo bikerê vera ma. Merdimayî nê zulmî qebûl nêkena. Bêedaletî û betonkerdiş do welat de ver bi karesatî rê bero û beno zî."