STENBOL - Keye, vasî û avûkatê Rayberê PKKyî Abdullah Ocalanî, bi waştişê ke roja dişeme pêvînayîş bikerê, muracatê Serdozgerîya Komare ya Bursa kerdî.

 

Avûkatanê Rayberê PKKyî Abdullah Ocalanî Nevroz Ûysal, Îbrahîm Bîlmez, Mazlûm Dînç û Serbay Koklu seba ke roja dişeme bi muwekîlê xo reyde pêvînayîş bikerê, reyna muracatê Serdozgerîya Komare ya Bursa kerdî. Birayê Ocalanî, Mehmet Ocalan û vasîyê ci Mazlûm Dînç û merdimê tepişteyê bîn yê Îmraliyî bi rayîrê avûkatanê xo muracatê pêvînayîşî kerdî.

 

Serdozgerîya Komare ya Bûrsayî, bi bahaneyê Ocalanî serra 2009 de pawitişê bi nameyê "Xerîtaya Rayîrî" Dadgehê Heqê Merdiman ê  Ewropa (DMME) rê şawitib, 23ê Êlule 2020 de 6 mengî cezaya qedexeyî avûkatanê Abdullah Ocalanî rê birnabi. Pêwa cezaya qedexeyê avûkatan 23ê Adare de peynî bî zî reyna avûkatî nêeşkenê şêrê Îmraliyî û ne negatîf û ne pozîtîf cewab înan rê nîno dayene.

 

Avûkatanê Abdullah Ocalanî dimayê 8 serrî mabêne 2-22ê Gulane, 12-18ê Hezirane û 7ê Gulana 2019 de şîbî Îmraliyî.

 

Tewr peyîn serê îdeayê medyaya komelî de vila bî, dimayê reaksîyonê komelî 25ê Adara 2021 de Edliyeyê Rihayî de tena 4.5 deqîqeyan bi rayîrê telefonî birayê xo Mehmet Ocalanî dir qisey kerd û telefon nîme de amebê birnayene.