ŞIRNEX - Herêma Bestayî de birnayîşê daran û şewatê daristanan dewam keno.

 

Ame zanayîş ke Herêma Bestayî ke keweno mabêne Şirnex û Sêrtî, heremê Şehrêvan û Gosîneyî de hetê qorîcîyan ra darî yenê birnayîş. Goreyê zanayîşê ke çimeyê herême ra ameyî girewtiş, darê ke yenê birnayîş nîno zanayîş ke benê ça û sewbîna ame dîyarkerdiş ke roje de 34 traktorê darê ke ameyê birnayîş benê. Herême de birnayîşê daran nêzdîyê çar mengî yo dewam keno.

 

Sewbîna reyna dewê Herêma Bestayî yê Xaşîxanê, Mêrgûmar, Girêgêsin û Avdehlî de daristanî hetê leşkeran ra bi helîkopteran yenê veşayîş. Ame dîyarkerdiş ke tu mudaxale hemverê şewatê ke di rojî yo dewam keno, nîno kerdiş û destûr nêdanê ke dewijî zî şêrê adir bitefnê.