COLEMÊRG - Bajarokê Guzereşê yê Geliye Tiyarî ya Çelê de seba veradayîşê derbê leşkeran, adir bi daristan kewtibi. Ame zanayîş ke adir hîrê rojî yo dewam keno, hema nêtefîyayo.

 

Adir bi zozanê dewa Guzereşî ya Geliye Tiyarî ya Çelêya Colemêrgî kewtibi. Ame zanayîş ke semedê leşkeran gule veradayo, adire bi meydanê daristanî yê zozanan kewto. Goreyê zanayîşê ke ameyî girewtiş, adir bi 3 rojî yo hema nêtefîyayo.

 

Ame dîyarkerdiş dewijan waşto ke adir bitefnê labelê leşkeran înan asteng kerdo û goreyê hîn xeberanê herême zî her ke leşkerî guleyan vera danê adir newe ra keweno daristan.

 

Adir bi 3 rojî yo dewam keno. Sewbîna na herême hetê Walîtiyê Colemêrgî ra zî 22yê Çileyî ra heta 31ê Kanûna 2021 de bi bahaneyê "Asayîşê Taybet" ameya qedexekerdiş. Xêrcê girewtişê destûrî, dekewtiş û vejîyayîş herême de qedexe yo.