RIHA - 156in roja nobeta 'Edaletî' de Emîne û Ferît Şenyaşar vatî: "Mensûbê nê hukmî, bi talîmatê kesê ameyê weçînayîşî têgêrenê. No îhaleyo lêşin do şima rê bimano."

 

Nobeta 'Edaletî' ya  Emîne û Ferît Şenyaşar roja 156ine de dewam kena. Emîne semedê problemanê xo yê weşîye beşdarê nobete nêbî. Ferît saetê serê sibayî de verê edlîye de dest bi nobete kerd. 

 

Ferît pankartê fotografê pîyê xo Haci Esvet û di birayê xo Adil û Celal ke ameyê qetilkerdiş bi nuşteyê, "14ê Temmuze 2018 de Nêweşxaneyê Pirsûsî de 2 laj û pîyê înan ame qetilkerdiş. 3 serrî yo kesêk nêameyo tepiştiş. Wa huqûqê serdestan peynî bibo. Semedê "herkesî edalet" ser de amebi nuştiş, serê barîyerê edliye de daliqna.

 

'No îhaleyo lêşin do şima rê bimano' 

 

Keyeyî serê hesabê xo yê medyaya dîjîtalî de wina vat: "Kesê yenê weçînayîş do rojêke şêrê. Mensûbê nê hukmî bi talîmatê kesê ke ameyê weçînayîş têgêrenê. No îhaleyo lêşin do şima rê bimano. Kesê ke ameyo weçînayîş û keyeyê ci Nêweşxaneyê Dewlete ya Pirsûsî de qirkerdiş kerdo. Sere de şarê Rihayî herkes nê çî zano."