AMED - Dimayê agêrayîşê nêweşxaneyî yê 2yîn Zîndanê Tîpê T yê Bandirmayî de kontrolê fekî tepişteyan rê yeno ferzkerdiş. Tepişteyan bi rayîrê pêvînayîşî keyeyanê xo rê dîyar kerdî ke semedê şermezarkerdişê ferzkerdişê kontrolê fekî ê do heqê xo yê sey pêvînayîş, nêweşxane û çalakîyan nêxebitnê.

 

Dimayê agêrayîşê nêweşxaneyî 2yîn Zîndanê Tîpê T yê Bandirmayî de kontrolê fekî tepişteyan rê yeno ferzkerdiş. Tepişteyan vizêr bi rayîrê pêvînayîşê bi telefonî yê keyeyê xo rê dîyar kerdî ke semedê şermezarkerdişê ferzkerdişê kontrolê fekî ê do heqê xo yê sey pêvînayîş, nêweşxane û çalakîyan bi ca nêarê. Sewbîna tepişteyan dîyar kerd ke 3 mengî verê ferzkerdişê kontrolê fekî dest pêkerdo û demê peyîn de zêde bîyo.

 

'Ma nêeşkenê şêrê nêweşxane'

 

Şîyar Akboga (27) ke 3 mengê verê  emelîyatê fitixî bi, bi rayîrê pêvînayîşî dayîka xo Şukran Akboga rê wina qal kerd: "Ez û embazê xo gerek ma şêrê nêweşxaneyî semedê ferzkerdişê kontrolê fekî ma nêeşkenê şêrê nêweşxaneyî. Ma nê çîyan qebûl nêkenê. Coka ma şîyayîşê nêweşxaneyî taloq kenê. Eke no ferzkerdiş dewam bikerê ma do heqê xo yê şîyayîşê xo yê nêweşxaneyî û çalakîyan nêkerê. Ma wazenê her kes nê çî ra haydar bo û hemverê nê vejîyo."

 

'Caardişê newe yê bînî zêde benê'

 

Şukran Akboga zî derheqê çîyê ke qewimyayî de wina vat: "Xora tepişteyî zîndanan de binê tedayî de yê. Serê nê de heqê xo yê merdimayî ra bêpar yenê verdayîş. Bi taybetî heqê xo yê weşîye bêpar yenê verdayîş. Weşîye xeylêk girîng a. Semedê nê. Nê caardişî newe nîyê. Her roje caardişê newe yê bînî zêde benê. Ma hemverê nê caardişanê, ma qebûl nêkenê."