KONYA -  4 ci ra cinî 7 endamê keyeyî Konya de ameyî qetilkerdiş, do ewro dimayê nimêjê yerî Goristanê Saraçoglu de bêrê definkerdiş.

 

Taxa Hasankoyî ya qezaya Meramê Konyayî de vizêr hemverê keyeyê Dedeogullari ke şaristanê Qersî ra bî, hêrişê nîjadperest amebi kerdiş û 7 kesî eynî keye ra amebî qetilkerdiş. Dayîke Îpek, pî Yaşar û wayê û bira Serpîl, Serap, sîbel, Bariş û Metîn Dedeogullari vizêr şan de semedê cenazeyê înan otopsî bikerê, berdibî Nêweşxaneyê Şaristanê Konyayî. 7 ferdê keyeyî ke ame dîyarkerdiş otopsîyê  cenazeyê înan ameyo kerdiş, do ewro dimayê nimêjê yerî qezaya Karatayî ya Saraçoglu de bêrê definkerdiş.

 

Rojnamegerî nêweşxane ra ameyî vetiş 

 

Heto bîn ra rojnamegerê ke semedê xeberan taqîb bikerê, şî nêweşxaneyê şaristanî û bi bahaneyê "ferman esto, ganî rojnamegerî nêkewê zere" morgê nêweşxaneyî ra ameyî vetiş.

 

Hemverê qirkerdişê nîjadperestî veng dayî şarî

 

Avûkat Abdurrahman Karabulut ke neql kerd do keye bêro definkerdiş, serê hesabê xo yê medyaya dijîtalî de nê pare kerd: "Muwekîlê min Konya de ameyî qetilkerdiş. Cenazeyê keyeyê Dedeogullari ewro dimayê nimajê yerî do Goristanê Saraçoglu de bêrê definkerdiş. Ma veng danê pêro kesê ke hemverê nîjadperestîyê wa ê kesî tewrê merasîmê cenaze bibê."