ENQERE - Vervatoxa HDPyî Ebrû Gunay dîyar kerd ke berpirsîyarê şewatê îqtîdar o û vat: "13 heb teyareyê Qesre estê. No îqtidar bi jetê taybet şino her ca, la semedê tefênayîşê şewatî nêeşkeno di teyareyan wedarno. No zî rewşa welat ramojneno."

 

Vervatoxê Partîya Demokratîke ya Şaran (HDP) Ebrû Gunay Merkezê Pêroyî ya HDPyî derheqê babete de kombîyayîşê çapemenî kerd. Ebru vat, Heyetê Îdarekarê Merkezê partîya înan kombî yo û kombîyayîş de hemverê HDPyî, şewatê daristanan, ziwatî, hêrişê nîjadperest û pandemî ameyo ercnayene.

 

Ganî dewlete îmkananê xo seferber bikera 

 

Ebrûye bale ant serê veşnayîşê daristanan û vat: "Ganî dewlete   pêro îmkananê xo seferber bikero û zirarê ke şarê ma dîyo safî bikero. Çi heyf, îqtîdar temaşeyê serebûtî keno. 13 hebî teyareyê qesre estê. No îqtidar bi jetê taybetî şino her ca, la semedê tefênayîşê şewatî nêeşkeno di teyareyan berz bikero. La semedê xoza çîyêk nêkeno. No zî berpirsiyarîyê îqtidarî eşkera ramojneno. Ma xeylêk rey bîyê şahid ke daristanê m asemedê rantî yenê çinkerdiş."

 

'Hêrişê nîjadperestî hemverê kurdan zêde bîyê' 

 

Ebrû tewr peyîn wina vat: "Hêrişê nîjadperestî yê hemverê kurdan û şarê bînî vejîyayo sewîyeya tewr berz. Her roje hêrişê nîjadperestî yenê meydan. Nê hêrişî bi fekê selahîyetdarê dewlete û îqtidarî yenê meydan. Tewr peyîn Enqere, Konya û Afyon de hêrişê nîjadperestî hemverê kurdan ameyî kerdene û netîceyê hêrişan de Hakîm Dalo Amedij ame qetilkerdene. Bepirsiyarê nê hêrişan rejîmê qesre yo. La ma qet nêbê temaşekerdoxê nê hêrişan."