Oznur Deger

 

ENQERE - Hêrişê nîjadperest yê hemverê şarê kurdî her ke şino tewr zêde beno. Na rey zî qezaya Elmadagî ya Enqereyî de hemverê keyeyêkê kurdî ke Geverê Colemêrgî ra yê hêrişê nîjadperestî kerdî. Goreyê zanayîşê ke ma girewtî polîsan tehdîdê, "Ez biwazî, ez eşkena bi çek to bikişî" kerdê. Sewbîna cîranê keyeyî zî bi vatişê, "Ti dayîka xo ra vaje ez o to bikerê binê herre" tehdîd kerdo.

 

Qezaya Elmadagî ya Enqere de vera keyeyêkê kurdî hêrişo nîjadperest ame kerdene. Cinîya bi nameyê Z.D. û 5 domanê ci taxe ra ameyî vetene.

 

Kuçeyê Deryayî de hêrişê nîjadperestî

 

Kuçeyê Derya yê taxa Îsmetpaşayî yê qezaya Elmadagî yê Enqere de vera keyeyêkê kurdî hêrişêko nîjadperest ame kerdene. Perey şewe saete 10.30 de cîrananê Z.D. (38) ê ke geverij a, ci rê vato 'kurdê pîsî', 'terorîstî' û xîret kerd ke hêrişê înan bikerê. Z.D. vat: ''Ez û 5 domanê mi 2 serrî yo ma tîya de xebitîyenê. Çend hewte yo ê pê ma heqaretan kenê. Semedo ke ez apartmanî ra şêra înan îmzayî arê dayî.''

 

Di rojî verê domanê ci rê şîdet kerdê!

 

Z.D.ya ke mêrdeyî ra cîya bîya û 5 domananê xo reyde manena, ard ziwan ke lajê ci keyeyan de pakîye keno û 15 rojî yo ê gêrenê keyeyêkî. Z.D. vat: ''Vizêr înan domananê mi het de vat 'Ma kurdan nêwazenê.' û xîret kerd ke hêrişê ma bikerê. Heqaretan ra dima ma gerreyê polîsan kerd.

 

Polîs: Mi eşkayîne çek veradî to

 

Z.D. dîyar kerd ke dimayê ke înan hetkarî waşto polîsan zî înan tehdîd kerdo û vat: "Înan hetê polîsan de zî xîret kerd ke hêrişê ma bikerê. Wexto ke polîsan ê tepiştêne înan ra yew hêrişê ma kerd. Lajê mi tersî ra kard girewt xo dest. Dima polîsan lajê mi rê gef wend û vat 'Ma tîya de yê la to kard girewt xo dest. Ma eşkayêne to bikişê.' ''

 

HDPyî paştdayîşê keyeyî kerd

 

Ma dî ke keyeyê ke bi beyreqanê tirkan ameyê xemilnayîş, senîn ewnîyayîşê dişminîyê hemverê kurdan yenê asayene. HDP ke dewaya padayîşî ameya akerdene, serdayîşî keyeyî kerd û hetkarî kerd.