MERKEZÊ XEBERAN - Nîjerya de çiqas şono janê kolera hîna lez vila beno û jan vera zafê ci doman pêro pîya 479 kesî merdî.

 

Welatê Afrîkaya Rojawanî Nîjerya de janê kolero lezûbez vila beno. Goreyê Merkeze Kontrolê Nêweşîyan ê Nîjerya (NCDC), janê kolera vera 479 kesî heta nika cuya xo vîndî kerdî. NCDC  da zanayene ke hûmara vakayan zî resaya 19 hezar û 305 tenan.

 

Seba ke Nîjerya de lazîmîya awa pake nîna caardene û mudaxaleya tibbî cade nîna kerdene janê kolera lez vila beno û rîskê mergî zêdîyeno. Sewbîna Nîjerya de nêweşîyê sey vîrusê vilike yê meymunan, tîfo, felcê domanan û tew zêde yene dîyayene.