AGIRÎ - Fatma K. a ke Panos de 16ê Temmuze ra xebere ci ra nîna girewtene. Merdimê aye hetê pîyê aye ra dîyar kerd  ke Fatma rê şîdet ameyîne kerdene.

 

Fatma K. (24) Taxa TOKÎ ya Panosê Agirî de mendêne 16ê Temmuze de xebere nîna girewtiş. Merdima Fatma ke xo resna ajansê ma dîyar kerd ke Fatma vernîya vînî bibo, hetê pîyê xo Aydin K. ra bi darê zorî ameya zewicnayîş û semedê şîdeto ke ci rê ameyo kerdene mêrdeyê xo ra fek vera daya.

 

Goreyê îddayê merdimê keyeyî ke xo resna ajansê ma, roja serebûtî pîyê Fatma, Aydin K. Fatma kuwayo û îdda kerd ke Aydin K. hem Fatma û hem zî dayîka ci rê şîdet kerdo.

 

‘Asayîşê ganê dayîke çin o’

 

Merdima Fatma Îdda kerd ke Fatma verê zî hetê pîyê xo ra semedê pere bi zor ameya zewicnayene, dayîka aye zî tehdît kerda û asayîşê ganê dayîke çin o. Sewbîna merdima Fatma semedo ke Fatma bêro vînayene zî vengdayîşê hîsgêrî kerd.

 

Hetêk ra zî semedê nê îdayê yenê kerdiş, dayik û pîyê Fatma pers bikerê ma telefon kerd la tu cewab nêdayî telefonê ma.