RIHA - Emîne Şenyaşar ke 140  rojî yo nobeta "edaletî" de ya, dîyar kerd ke wazena lajê ci bêro veradayîş û vat: "Heta lajê mi nêro veradayîş, ez tîya ra fek vera nêdana.”

 

Çalakiya “Nobeta Edaletî” ya Emîne û Ferît Şenyaşar ke verê Edliyeyê Rihayî de roja 140ine dewam kena. Emîne û lajê xo Ferît semedê betlaneyê roşanî hewteyêk dima ameyî verê Edlîye û reyke bîn çalakîya xo dewam kerd û waştişê edaletî kerdî.

 

‘Yan edalet yan zî merg’

 

Keyeyî serê hesabê xo yê Twitterî de vat: “Dayika ke emrê ci serê 65 de yo 140 rojî yo pêwa dereceyê 45 germî de verê Edliyeyê Rihayî de bendeyê edaletî ya. Yan edalet yan zî merg eşkeno mi tîya ra wedarno. Serdozgerî her roje bi wesayîtê xo yê luksî verê dayike ra derbazê meqamê xo beno.”