KONYA - 40 kesê koma nîjadperestî ke Meram de hêrişê keyeyêk kurdî kerdî û Hakîm Dal qetil kerdî, dimayê îfadeyê înan Mudûrîyetê Polîsan ameyî tepiştene, sewqê edliye ameyî kerdene.

 

Dewa Çariklarî ya qezaya Meramî ya Konyayî de, komêk nîjadperestî ke 60 kesî bî, hêrişê keyeyêk kurdî yê Amedijan kerdibî û keyeyî ra Hakîm Dalo 43 serre qetil kerdibî. Koma nîjadperestan ra 40 kesî ameyî destbendkerdene.

 

Avûkatê keyeyê Dalî, Abdurrahman Karabulut, dîyar kerd ke kesê ke newe ameyê destbendkerdene estê û tehqîqatê derheqê înan de dewam keno.

 

Kesê ke Mudurîyetê Polîsan de îfadeyê înan ame girewtene, sewqê Edliyeyê Konya ameyî kerdene.