Medya Uren

 

MÊRDÎN - Dewa Qurdîsî de ne şebekeyê telefonî ne zî erebeyê şîyîş û ameyîşî estê. Dewe bi rayîr û metodê verê şîyîş û ameyîş kenê. Bi lingan yan zî bi herî û bi estoran şinê şaristan. Dewijî vanê ke deme nêweşê înan virazyenê, ê zî hem semede rayîrê xira û hem zî semedê şebekeyi nêeşkenê ambûlans bigeyrê. Dewijê ke gerreyê xo ardî ziwan, vatî ke ganî çareserî bêro vînayene.

 

Dewa Qurdîsî ke girêdayeyê qezaya Artukluyî ya Mêrdînî ya hemwelatî problemê rayîr û şebekeyî ancenê. Dewa Qurdîsî ke prosesê hêrişê dewleta tirkî ra dima 1993ine de ameya vengkerdiş û dima ra dewijî agêrayî serê herra xo. No semed ra rayîrê 93 de senî bî hema zî sey xo yê. Ne wesayît şinê dewan ne zî şebekeyê telefonî esto. Na dewe bi tebîetê xo bala merdiman ancena xo ser. Şarê dewe seba ke zaf zehmetîyan ancenê ajansê ma dir qisey kerdî.

 

‘Semedê averşîyayîşê tutan asteng o’

 

Sabiha Ata dewij a û wayîrê tutan a, problemê ke tutê ci vînenê înan ser qal kerd: “Tut û tornê mi zî estê. Heme zî şinê mektebî. Prosesê pandemî de tutanê ma nêeşkayî dersanê xo bigîrê. Coka tutê ma xeylêk dersan ra mendî. Bi seyan rey ma waştişname şawit semedo ke şebekeyê înternetî viraznê la çîyêk nêkerdî. Vernîya se serrî ma senî ciwîyayêne, nika zî ma wina ciwîyenê çêbikin lê belê tiştek nekirin. La çend wext vêreno çîyêkê lazim kene zî vuryenê. belê lazim goreyê vere ameyê vurnayîş. Nika problemê min o tewr gird, avernêşîyayîşê tutanê min o. Çend rey semedo ke tewrê dersan bibê, ma înan şawit dewa Dara ke nizdîyê ma ya. La seba ke tim wesayîtî çinî yê, ma nêeşkenê tim bişawê.”

 

‘Lazim o ma rê şebekeye telefonî biancê’

 

Şukrîye Atay yew mexdûrê rayîr û şebekeye înternetî ya, reaksîyonê xo wina ramojna: “Ma wazenê tutê ma biwanê û bêrê cayo baş. Ewro ê nêeşkenê tewrê dersanê xo bibê. Nê prosesê pandemî de ma çîyêk wendiş ra fam nêkerd. Xora vernîya ci zî şîyîş û ameyîşê tutan ê dewa cîranan bîne îşkence. Semedê wendişî ma înan şawitêne dewê binan. Mektebê ma zî çin o. Her çî ma rê dûrî yo. Lazim o ma rê şebekeyê telefonî biancê. Bifikrîyê keye de telefonêk esto, ma o zî pencere de daliqnenê. Beno reyke yew ma bigeyro û yan zî lazimî ke bibo. La o zî reyan anceno.”

 

‘Tu çîyêk nêkenê tena ma meşgul kenê’ 

 

Yew hemwelatija bîne ke nêwaşt nameye xo bida, dîyar kerd ke semedo ke kurd bîyê dewa x ora ameyê vetene û vat: “M abi seyan rey Walî û şaredarî rê waştiş kerd. Labelê tu çîyêk nêkenê, tena ma meşguş kene. Demê vere de zî semedo ke ma kurd bî, ma dewe ra vetî. Nika zî tu çareserî probleme ma rê nêvînenê.”