AMED - Îdarekarê Şubeyê ÎHDyê Amedî bi rojnamegeran dir ame têhet û qalê xebatê ÎHDyî rojnamegeran rê kerd.

 

Endamê Heyetê Îdarekarê Komeleya Heqê Merdiman (ÎHD) yê Şubeyê Amedî bînaya komeleya xo de bi rojnamegeran dir kombîyayîşêk arayî de ameyî têhet. Serekê Şubeyê ÎHDyî Abdullah Zeytûn û îdarekarî kombîyayîş de amade bî.

 

Xeylêk rojnamegerî beşdarê kombîyayîşî bî. Îdarekarê ÎHDyî kombîyayîş de derheqê xebatê xo yê nika û yê ameyoxî de qisey kerdî û qalê bernameyê vernîya xo kerdî. Kombîyayîş de semedê heqê merdiman îşaretê bi hêzê çapemenî ame kerdene û ame vatene ke ganî her ware de heqê merdiman bêro pawitene.