MÊRDÎN - Zîndanê Tîpê L yê Antalya de tepişteyî sewqê zîndanê newe yê Antalya kerdî. Demê sewqî de lcigêrayîşê viran înan rê ameyo ferzkerdene. Tepişteyê ke vera nê vejîyayî bi şîdetî dir rî bi rî mendî.

 

Goreyê zanayîşê keyeyan, tepişteyê ke zîndanê Tîpê L yê Antalya ra sewqê zîndanê newe yê Antalya ameyêkerdene. Goreyê zanayîşan, demê sewqî de tepişteyan rê cigêrayîşê viran ameyo ferzkerdene û tepişteyê ke vera nê vejîyayê bi şîdetî dir rî bi rî mendê.

 

Dikran Çelîk Zîndanê Tîpê L yê Antalya ra sewqê zîndanê newe ya Antalya ameyê kerdene û Dîkran bi rayîrê telefonî cinîya xo ya Gulhan Çelîk dir qisey kerd û bale ant serê serebûtê ke ameyê ciwîyayîş. Gulhane ajansê ma rê wina qalê serebûtî kerd: "Sewqkerdiş vizêr şan de ameyo kerdene û demê sewqî de  cigêrayîşê viran tepişteyan rê ameyo ferzkerdene. La tepişteyê ke  vera nê vejîyayê bi şîdetî dir rî bi rî mendî. Tepişteyî netîceyê şîdetî de birîndar bîyê." 

 

Gulhane tewr peyîn qiseykerdişê xo de hêrişo ke ameyo kerdene şermezar kerd û vat: "Xora ma mexdûr ê, bi nê nêzdîbîyayîşan dir ma tewr zêde mexdûr benê. Cigêrayîşê viran suc o û derbkerdişê tepişteyan zî suc o."