ÎZMÎR - Îzmîr de 12 rêxistinê ciwanan verê serrgera Qirkerdişê Pirsûsî de eşkerayîya nuşteyî dayî. Ciwanan bale ant serê qetilkerdişê Denîz Poyraz û wina vat: "Ma do sey wayîrê na herre û pawitoxê herre rayîr nêdê qirkerdiş û talankerdişî."

 

12 rêxistinê ciwanan ê Îzmîrî seba serrgera Qirkerdişê Pirsûsî verê Rêxistinê Partîya Demokratîke ya Şaran (HDP) eşkerayîya çapemenîye hempar dayî. Eşkarîye de pankartê "Pirsûs ra heta Denîze do ciwanî hesab kiştoxan ra pers bikerê" ame akerdene û sloganê, "Do sozê ma yê Denîze rê şirş bêro", "Pirsûs û Denîze rê edalet" ameyî berzkerdene. Serê nameyê rêxistinê ciwanan de Derya Emrem eşkerayî da. 

 

'Polîtîkayê qirkerdişî dewam kenê'

 

Derya eşkerayî de wina vat: "Tirkîya de zîhnîyetêko zulm keno esto. No hêz tewr peyîn embaza ma Denîz Poyraz qetil kerd. Zîhnîyetê bi serran o polîtikayê qirkerdişî û asîmîlasyonî hemverê kurdan keno 2021 de zî polîtikayê qirkerdişî dewam keno. Tirkîya binê nameyê Ulku Ocaklari û Alperen Ocaklarî de kiştoxan dano vernê. Nê kiştoxê bi kîr arolê xo kay kenê yê. Nê bi destê dewlete yenê fînanskerdene. Ma do sey wayîrê na herre û pawitoxê na herre rayîr nêdê qirkerdiş û talankerdene."

 

Eşkerayî bi sloganan qedîya.