Marta Somek

 

STENBOL- Temsîlkara serekîya pêroyî ya EMEPî Selma Gurkan, Vervatoxa SODAPî Sevtap Akdag û endama Heyetê vervatoxê TOPî Perîhan Koca derheqê îdianameyaê çarçewaya  dewaya padayîşê HDPyî de ameya akerdene û sûcdarîyê hemverê cinîyan de ajansê ma rê ercnayîş kerdî.

 

Îdianameyê hetê serdozgerîya Komara ya Dadgerî ra ame amadekerdene hetê Dadgeha Desturê Bingeyîn (DDB) ra ame qebulkerdene û netîceyê ci de reya diyîn dewa HDPyî rê ame akerdene. Îdianameyo ke 843 rîpel bi, hemserekê pêroyî yê demê verên yê HDPyî hemşaredarî zî mîyan de pêroyî semedê 451 kesî qedexeyê sîyasetî yeno waştene.

 

Temsîlkara sereka pêroyî ya EMEPî Selma Gurkan, Vervatoxaa SODAPî Sevtap Akdag û endama Heyetê Vervatoxê TOPî Perîhan Koca derheqê babete de qisey kerd.

 

Temsîlkara sereka pêroyî ya EMEPî Selma Gurkan vat, hedef mojnayîşê Devlet Bahçelî dir dewa HDPyî rê ameyo akerdene û wina vat: "Erdoganî talîmat da û muhakeme zî kewt tevger. Verê seêmedê kêmîyê idîaname peyser ame erşawitene. Proses tena bi prosesê muhakameyî dewam nêkerd, pêwa nê hemverê HDPyê Îzmîrî zî hêrişêk ame kerdene."

 

‘Heme hêzê aştîye hedef de yê'

 

Selma dewam de wina vat: "Pêwa dewaya padayîşê HDPyî, hemverê bînayê HDP, endam û îdarekarî zî hêrişê ke yenê kerdene bale ancenê. Îqtîdar wazeno ke rejîmê yew mêrdeyî, sîstemê hukmatê serekkomarî, rejîmê sîyasî bi sîstemêk faşîst û otorîter, tacîdar bikero. Ewro çîyo ke HDPyî rê yeno kerdene, do hemverê partîyê muxalîf zî bêro kerdene. HDP kerdê hedefê hêrişan û pêro hêzê aştîye, şar, kedkar, karker yê ke demokrasî wazenê, pêro hedef de yê. Wazenê ke vernîya têkoşînî bigîrê."

 

'Dewaya padayîşî û hêrişê hemverê HDPyî tesaduf nêyê'

 

Vervatoxa Platformê Paştdayîşê Sosyalîst (SODAP) Sevtap Akdag zî wina vat: "Îqtîdar demêk derg o semedê bekaya xo ya polîtîk HDPyî tehdîd vîneno. Semedê nê zî hewl dano ke krîmînalîze bikero, tasfîye bikero. Semedê nê zî her çî keno. Weçînayîşê 7ê Hezîrane de  HDP bi ser kewt û no zî îqtîdar tersna."

 

'Ma xeylêk Ogun Samast û Onur Gencer dî'

 

Sevtabe bale ant serê dewaya Kobanî û vat: "Dewaya Kobanî ke ma sey Dewaya Kumpasî bi name kenê, ma nêeşkenê roşn bikerê, semedê no kar karê dozgerî û kesê mercîyê hukmî yo. Kesê dimayê kiştoxê Denîz Poyraze ganî vejê werte.  Ma heta nika xeylêk Ogun Samast û Onur Gencer dî. Semedê nê zî hêvîya ma çin a ke muhakemeyêk cidî bêro kerdene."

 

'Kodê dewlete xo sepernenê înkarê Kurdan'

 

Endama Heyetê Vervatoxa Partîya Azadîya Komelî (TOP) Perîhan Koca zî dîyar kerd ke dewaya padayîşê HDPyî ameya akerdene, mantiqê mendekerdişê rejîmê faşîstî yo û vat: "Pêro  kodê na dewlete serê înkarê şarê Kurdî yo. Înkarkerdişê şarê Kurdî zî nokteyê hemkar ê îqtîdaran o. Dimayê weçînayîşê 7ê Hezîrane ra dima, cînayetî zî ameyê kerdene û aseno ke hîna zaf çî hedef girewtê."

 

'Xoverdayîşo topyekun lazim o'

 

Perîhane tewr peyîn wina vat: "Hemverê qetilkerdişê Denîz Poyraz refleksê şarî gane bi û hêzê şarî nika nê provakasyonî veng vetî. La çîyo ke ma vatişê Devlet Bahçelî ra fam kerd do reyna dewam bikerê. Semedê nê zî têkoşînêk topyekun ra wetayêr destê ma de çîyêk çin o. Semedê embazanê ma nika qedexeyê sîyasî yeno waştene. Nê embazê ma berjewendiya Kurdan û şarê bînan pawenê. Îqtîdar sere ra heta peynî kewto tengî. Ne ciwan, ne cinî û ne zî şarê Kurd, pêwa şîdetê dewlete, do fek têkoşîn ra vera nêdê."