Hesna Mihemed

 

ŞEHBA - Endama Rêxistina Heqê Merdiman ê Efrînî, Nahîle Mehmûd kerdiş û binpaykerdişê ke Efrîn de  hemverê sivîlan de yeno kerdene û vat: "Efrîn de dewleta tirkî qirkerdişê kultur û sucê şerî keno."

 

Dimayê dewleta tirkî û komê girêdayê ci kantonê Efrînî 18ê Adara 2018ine de kerdî binê kontrolê xo, uca de dest bi kerdiş û binpaykerdişê heqê merdiman ame kerdene. Heqê hemwelatijê ke uca de ciwîyenê, ameyî binpaykerdene. Xeylêk kesî ameyê remnayene, îşkencekerdene, tecawuz înan rê ameyo kerdene. Efrîn de nika zî sîyasetê qirkerdişî dewam keno. Derheqê kerdiş û binpaykerdişê ke Efrîn de yeno ciwîyene, Endama Rêxistina Heqê Merdiman ê Efrînî Nahîle Mehmûd ajansê ma rê qisey kerd.

 

'Kerdişanê  bêhuqûqî kenê'

 

Nahîle kerdişê ke Efrîn de yenê ciwîyayîne wina pare kerd: "Bi îşxalkerdişê Kantonê Efrînî hetê dewleta tirkî û hemkarê ci de xeylêk kerdişî û binpaykerdişî derheqê şarê Efrînî de yeno kerdene. Sewbîna temamê metodê kerdişê îşkencekerdene, remnayîş, kiştiş û talankerdiş Efrîn de yenê kerdene. Nê kerdişî verê çimanê dinya de yenê kerdene, l aheta nika kesî reaksîyon nêmojnayî. Heto bîn ra desteştişê cinî û heqê ci zî ame xespkerdene. Cinîyê ke Efrîn de ciwîyenê, rojane îşkence bi înan yeno kerdene. Çeteyê dewleta tirkî yê îşxalkerdoxî Efrîn de bi kerdişê tedayan serê keyeyanê Efrînî bi kênayê înan rê zewicênê. Welatijê Efrînî mîyanê tersêk de ciwîyenê."

 

'Efrîn de qirkerdişê kulturî'

 

Nahîle dewam de wina vat: "Efrîn de çeteyê dewleta tirkî, desteştişê kultur û nasnameyê Efrînî keno. Amancê dewleta tirkî wêrankerdişê  kulturê Efrînijan o. Erdogan wazeno ke kurdê ke Efrîn de mendê bido koçberkerdiş, semedê Efrîn de kurdî nêmanê. Efrîn de qirkerdişê kulturî yeno kerdene. Çinkerdişê xoza zî yeno kerdene. Birnayîşê daran, veşnayîşê zîyanê sivîl û koyê herême ra bigî xeylêk çî yenê talankerdene. Bi hezaran darê zeytûnan ameyê birnayene û kolîyê înan ameyê rotene. Keyeyê çeteyan yê ke Efrîn de bi ca bîyê, bi darê zorî erdê sivîlan înan ra gênê, semedê çinkerdişê rolê kurdan uca yo."

 

'Yê ke tewr zêde zirar vînenê cinî yê'

 

Nahîle tewr peyîn wina vat: "Ma sey Rêxistinê Heqê Merdiman temamê kerdiş û binpaykerdişê ke Efrîn de yenê kerdene hewil danê bi belge bikerê û rayaumumî rê neql bikerê û heqê sivîlan bipawê û rastîyê îşxalkerdişî vejê werte. Çike çîyê ke yenê kerdene sucê şerî yo. Hewldayîşê ma pawitişê cinîyan o, çimkî tewr zêde cinî tesîr benê. Cinî yenê kiştene, îşkencekerdene û remnayene. Vengdayîşê ma rêxistin û dewletê mîyanneteweyî dir esto ke kerdişê ke Efrînî de yenê kerdene, verê çiman ra derbaz bikerê û serê nê kerdişan de vinderê."