MERKEZÊ XEBERAN - Komîsyonê Cinîyan ê Rojnamegerîye, raporê xo yê menga hezîrane de eşkera kerd û goreyê binpaykerdişê heqê rojnamegerê cinîyan de Tirkîya rêza yewine de ya.

 

Komîsyonê Cinîyan ê Rojnamegerîye/The Coalition For Women In Journalism (CFWIJ), raporê xo yê menga hezîrane eşkera kerd. Goreyê raporê, menga hezîrane de xeylêk herême cîya yê dinya, heqê 77 rojnamegerê cinî ameyê binpaykerdene.

 

Goreyê raporê CFWIJî zî muhakameyê rojnamegerê cinî yê Tirkîya de bi binpaykerdişê heqan ê 25 rojnamegerê cinî bîyê welatê wayîrê dayeyê tewr berz ê binpaykerdişan. Muxabira Ajansê Xeberan ê Arîana ê Afganistanî Mîna Khaîr zî 3yê hezîrane amebî kiştene.

 

Şidetê polîsan ê serê rojnamegerê cinî yê ware de kar kenê, goreyê menga gulane se ra 83,3 zêdeyêr bîyo, dewaya tacîzî yê serê rojnamegerê cinî zî, goreyê menga vîyarte se ra 471,4 zêdeyêr bîyo. Tirkîya de menga hezîrane de wareyê polîsan hêriş berdo serê 10 rojnamegerê cinî. Goreyê raporî dimayê Tirkîya, Pakistan û Filîpîn yeno.