RIHA  - Cigêrayîşê "Edaletî" ya keyeyê Şenyaşarî 117 rojî yo dewam keno. Keyeyî serê hesabê xo yê Twitterî de wina mesaj da: "Şima bi temernayîşê qetlîamî de benê şirîkê sûcî.” 

 

Emîne û Ferît Şenyaşar bi waştişê “Edaletî” 117 rojî yo nobete gênê. Keye semedê ke peynîya hewteyî yo û mesaî edliye de çin o, çalakîya xo keyeyê xo yê qezaya Rihayî Pirsûs de dewam kerd.

 

Keyeyî serê hesabê xo yê Twitterî de fotografê Parlamenterê AKPyî  yê Rihayî Îbrahîm Halîl Yildiz ke Meclîsî de kulm eşt Parlamenterî CHPyî Enîn Ozkoçî, vila kerd û vat: "Helbet do rojêk weçînotoxî şêrê, wa a roja ke şêrê nêvajê ma binê fermanî de bî. Şima heme serê qetliamî temernenê û benê şirîkê sûcî. Dozgerî 23 faîl tespît kerdo. Çîyo ke lazim keno ganî bikerê."