AMED -  Emîne Şenyaşar û Ferît Şenyaşar çarçewaya serdayîşê xo de şî Baroyê Amedî. Serdayîş de Emîne Şenyaşar dîyar kerd semedê edalet bica bêro do têkoşînê xo dewam bikerê.

 

Emîne û Ferît Şenyaşar bi waştişê “Edelatî” 116 rojî yo nobete dewam kena. Keyeyê Şenyaşarî çarçewaya serdayîşê paştdayîşê huqûqî de dimayê Stenbolî ameyî Amed. Keyeyê Şenyaşarî çarçewaya serdayîşê xo de bi Baroyê Amedî dir pêvînayîş kerdî.

 

'Heta ke edalet bica bêro ma do têkoşîn bikerê'

 

Emîne dewam de wina vat: "Hewşê edliye ma rê qedexe kerdî la ma tu şert û mercan de fek waştişê xo yê edaletî ra vera nêdanê. Semedê waştişê ma yê edalatî ma destbend kenê, ma tehdîd kerdî û teda û zulm bima kerdî. Labelê ma rayîrê edaletî de berdelan danê. Nêweşxane de qetlîam virazya, dîmenê nêweşxane pak kerdî û serê serebûtî padayî. Wa zulm bima nêkerê. Sûcê lajê mi zî çin o ke kerdî zîndan. Ma 3 serrî yo pey edaletî yê. Heta ke edalet bica bêro ma do têkoşîn bikerê."

 

'Ganî dosyaya keyeyê Şenyaşarî bêro roşnkerdene'

 

Serekê Baroyê Amedî Nadîr Eren zî qisey kerd û vat: "Ma veng danê ke ganî dosyaya keyeyê Şenyaşarî bêro roşnkerdene. Ganî qerarname bêro serarestkerdene û goreyê metodê huqûqî têbigeyrê. Wa dosya bi netîce bikerê û dewa bêro akerdene. Ma do kîşte keyeyê Şenyaşarî de bê û sozê edaletî bidê."