RIHA - Çalakîya nobeta "edaletî" ya Emîne û lajê ci Ferît Şenyaşar ke verê Edlîyeyê Rihayî de dayî destpêkerdene roja 113ine dewam kena. Ame  zanayene ke dozgerê dosyaye ameyo vurnayene.

 

Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameyî qetilkerdene, lajê xo Ferît Şenyaşarî reyde roja 113ine de nobeta edaletî rê dewam kena.

 

Emîne û Ferît Şenyaşar, serê sibayî pê dowîzanê xo şi verê Edlîyeya Riha la polîsan nêverda keye debikewa baxçeyê edlîye.

 

Hetê bînî ra dozgero ke tehqîqatê dosya keno reya 8ine ame vurnayene.