AGIRÎ - Binpaykerdişê heqêmerdiman yê Zîndanê Tîpê L yê Panosî de her ke şino zêde beno. Nika zî antişê fotografan, tepişteyan rê ame qedexekerdene.

 

Muameleyê kêfî û binpaykerdişê heqan ê Zîndanê Tîpê L yê Panosî her ke şino zêde beno. Tepişteyo bi nameyê Yakup Eryilmaz bi rayîrê pêvînayîşê telefonî yê bi keyeyî dir dîyar kerd ke bi di mengî yo, cilê ke hetê keyeyê ey ra ameyê şawitene, hema nêdayê ci. Heto bîn ra ame zanayene ke antişê fotografî zî tepişteyan rê ameyo qedexekerdene.

 

Tepişteyê ke Zîndanê Tîpê L yê Panosî de yê, binpaykerdişê heqan de zî xeylêk rey ameyo rojeve, dîyar kerdî ke îdareyê zîndanî muameleyê kêfî keno û zîndan açernayo cayê "îşkenceyî".