Şehrîban Aslan

 

AMED - Mehmet Karacaoglan ke semedê tecawuzê di tutan kerdo yeno muhakemekerdene, pêwa îfadeyê tutan nêame tepiştene.

 

Qezaya Peyasî ya Amedî de Mehmet Karacaoglan 2019 de hemverê di tutan de hêrişê cinsî kerdibi. Dayîka tutan ke hêriş eşnawit, gerre kerd û şikdar Mehmet Karacaoglan 24ê teşrîna peyêne 2020î de ame destbendkerdene. Şikdar, roja bîn ame veradayene û hetê Serdozgerîya Komare ya Amedî ra sucê 'hêrişê cinsî' ra derheqê ci de îdianame ame amadekerdene.

 

'Ma bi kiştiş tehdîd kerd'

 

Goreyê îdianameyê her di tutan ke 2020 de hetê Merkezê Taqîbkerdişê Tutan (ÇÎM) ra îfadeyê înan ame girewtene û îfadeyê xo de vatê ke şikdarî hêrişê cinsî înan rê kerdo û semedê dayîka xo ra nêvajê, bi kiştiş tehdîd kerdo. Dayîka tutan vat, ê fek dewaya xo ra vera nêdanê.

 

Şikdarî îdia kerd ke zûrê bici kerdê.

 

Dozgerî îfadeyê tutan esas girewt

 

Dozgerî netîceyê îfade û delîlan de wina vat: "Tutî wextê serebûtî de 5 serre bîyê û wextê îfade dayê zî 6 serre bîyê. Tutan derheqê şikdarê ê pîyê tutan de îfade dayê û nê îfadeyî çîyêkê bêrê awankerdene nêyê û îfadeyê tutan de nakokî çin o û vat, îfadeyê tutan serê heme çî ra yo."

 

Dozgerî dîyar kerd ke îfadeyê şikdarî semedê xo suc ra xelas bikero yo û derheqê şikdarî de sucê 'hêrişê cinsî yê hemverê tutan' û 'hêrişê cinsî yê sîstematîk’ ceza waşt.

 

Şikdar nêameyo tepiştene

 

Îdianame ame amadekerdene de hetê 13in  Dadgeha Cezaya Giran ya Amedî ra ame qebulkerdene û 2 roniştişê dewa ameyî kerdene.

 

Şikdar her di roniştişî de serbest ame muhakemekerdene û îdiayê xo yêke zûrê ci rê kenê dewam kerd.

 

Avûkatanê tutanû dayîke, Şevval Kamçi û Pelda Vesek, dîyar kerdî ke şertê CMKyî de yenê mojnayene serebûtê somut ameyê akerdene û ganî şikdar bêro tepiştene.

 

Şertê tepiştişî nêvirazyayê

 

Heyeta dadgehe vat ke şertê tepiştişê şikdarî awan nêbîyê û waştiş red kerd. Roniştişo bîn taloqê 20ê teşrîna verêne ame kerdene.