Marta Somek

 

STENBOL - Perwerdekera yogayî Berîvan turan ke pêwa pêro astengîyan dersan bi Kurdkî dana, nê wareyî de ewil a.

 

Perwredekera yogayî Berîvan Turan Stenbol de pêwa şertê pandemî û tedayê komelî, yoga bi ziwanê xo kurdkî dana û nê wareyî de yewin a. Berîvane vat, sebebê esas oyo ke ziwanê xo bido ciwîyayîş û vat, eleqe xeylêk zêde yo.

 

'Çira ez bi Kurdkî nêdî!'

 

Berîvane vat, gama ke dest bi yogayî kerda, mamosteyê ke bi ingîlîzî, fransî, erebî  û farsî ders dayîne bîyê û nê ser de çira Kurdkî zî nêro dayene û vat: "Perwerdekara mi vat, ti do senîn bi kurdkî derse bidê, kurdî çi yoga û hunerî ra fam kenê.' Ez zî fikrîyaya çira kes bi kurdkî derse nêdano û ez çira ez nêdana. Mi zî semedê kal, pîr, pî û ziwanê xo xebatêke wina da destpêkerdene."

 

'Wendekarêke mi semedê Kurdî bimusa yena yoga' 

 

Berîvanê wina dewam kerd: "Gama ke mi dest bi mamostetîya yogayî kerd, pandemî dest pêkerd. Mi heme dersî bi rayîrê onlîne dayî. Ez hema dersanê xo serê zoomî de dana. Stockholm, Berlîn, Îran, Mêrdîn, Amed û xeylêk şaristanê bînna ra wendekarê mi estê. Reyan serê sibayî, reyan şan de dersan dana. Ez goreyê rewşa wendekaran saetan dîyar kena û xebityena. Hûmara kesê ke wazenê bi kurdkî yoga bikerê zaf zêde ya. Wendekarêke mi zî semedê kurdkî bimusa yena yoga. Heta destê mi ra yeno ez bena hetkar. Dimayê demêk ez wazena dersê komî bida. Dima ra wazena kom bi kom dersê medîtasyon û yogayî bida."

 

'Gama mi yoga bi kurdkî nuşt wazena her kes biwano'

 

Berîvane wina vat: "Gama mi newe dest pêkerd, xeylêk embazê min ê ke kurd nêyê paştdayîş dayî mi. Ez xeylêk kêfweş bîya. Mi reaksîyonê zaf weş û pozîtîf girewt. Vernê de vatî serê înternetî de keyepelê kurdkî abike, do serê înternet û înstagramî de nameyê to vila bibo. Ez serê înternetî de nuşteyan nusena. Serê yogeyî de. La ê nuşteyan nêwanenê. Tena ewnîyenê fotografan ra. Ez wazena ke wextê bi kurdkî yogayî qal bikerî, her kes biwano, pare bikero û paştdayîş bidêê mi."

 

'Ez dîyarîya cinîyanê kurdan û heme cinîyan kena'

 

Berîvane tewr peyîn wina vat: "Ez yogaya xo bi kurdkî kena. Sere de semedê cinîyanê kurdan û semedê heme cinîyan dîyarî kena. Ez yoga bi ziwanê xo dana. Ez her tim qiseykerdişê bi kurdkî tercîh kena.  Bi yogayî mi xo resna xeylêk cinîyan û no zî mi kêfweş keno."

 

Ê min xwe gîhand gelek jinî û ev jî

 

Serê hesabê înstagramî de şima eşkenê ji vir  xo biresnê xebatanê Berîvane.