Melîke Aydin

 

ÎZMÎR - Cinîyê ke tewrê sersaxîyê semedê Denîz Poyraz bî, dîyar kerdî ke hêrişî hemverê şarê Kurdî û demokrasî yo û vatî, Ganî Tirkîya bi qirkerdişan dir bêra rî bi rî û hemverê faşîzmî têkoşîn bêkera.

 

17ê Hezîrane de keso bi nameyê Onur Gencer, hemverê HDPyî Îzmîrî de hêriş kerd û xebatkara partîye Denîz Poyraz qetil kerd. Reaksîyonê hemverê qirkerdişî dewam kenê. Dimayê qetilkerdişê Denîze 19ê Hezîrane û tepya ra Îzmîr û qezayê ci, xeylêk şaristanê bînan de sersaxî yena qebûlkerdene û çalakîya nobete kenê. Cinîyê ke şinê sersaxî, dîyar kerdî ke hêriş hemverê şarê Kurdî û demokrasî yo.

 

Hemsereka Komeleya Elewîyan (DAD) Nebahat Çelîk, pêşwazîkerdişê polîsan ê semedê şikdar Onur Gencerî rexne kerd û wina vat: "Polîsan ey ra vat, ‘bira’ û kurdan zî bi îşkence destbend kerdî.  Şikdarî bi cesaret vat, ‘çend kesî bibayîne mi do bikiştêne.' Tirkîya semedê reyke bîn nêra rî bi rî, ganî probleman dir bêr arî bi rî. Nêzana ka eşkena bikera yan ney. Sedat Peker vat, ‘Wa Elewî baldar bê.’ Emnîyetê gazî Celal Firat (berpirsîyarê komeleya elewîyan’ kerd û vat, amade bê. Canêke ma esto, gelo ma amadekarîya çi bikerê? Ganî ti wayîr vejîyê. Eke zanayîşê to bibo, ganî ti tedbîr bigîrê. No bitena sereyê nêno qebulkerdene. Ganî ma pêro rexne bikerê. Ganî ma xo rêxistin bikerê.”

 

'Heta ma nêbê yew do zulm peynî nêbo'

 

Dayîka Aştîye Nufusa Ataç zî wina vat: "Yewîye ma biba, çîyêk bima nêbeno. Eke ma hemverê zulmî bêveng bimanê, no zulm do peynî nêbo. Ma dest bidê yewbînan do serkewte nêbê. Ez veng dana Barzanî, wa yewîye xêra nêkero. Ewro baş o do siba bibê Fîravun.”

 

'Hêrişê plankerde yê'

 

Xebatkara HDPyî Emîne Alagoz zî bi serran o şahidîyê qirkerdişî kenê û vat: "Ma keyeyê Denîze rê sersaxî wazenê. Ma amade yê. Ma do partîya xo de nobete bigîrê. Hetêk ra dewa partîye ma rê akenê, hetêk ra zî xebatkara ma qetil kenê. No hêrişêk plankerde yo. Coka ma aştîye eşkenê bi hêzê demokratîkî dir awan bikerê."

 

Nurcan Acar ya HDPyije zî dîyar kerd kurdî qirkerdişan ra derbas benê û vat: "Ma wazenê aştî bibo. No bi rastî zî zulm o. Wa Homa heqê aye nêverdo. Kiştox dîyar o; mafya yo, dewlete ya."

 

Fatma Gumuş ya HDPyije zî qirkerdiş şermezar kerd û vat, camêrddan cinî û tûtan qetil kerdî û vatî heme hêrişî berardişê camêrdan ê.