AMED - Tepişteya bi nameyê Saadet Akin, semedê Denîz Poyraz ke ameye qetilkerdene, şîîra ke nuşte, erşawite û keyeyê aye rê zî mesajê; "Vindertişê dayîka Fehîme û têkoşînê aye moral û hêz da ma. Çîyo ke şarî ver bi serkewtene bero zî no vindertiş o." erşawit.

 

Bi hêrişê faşîst Onur Gencer ke 17ê Hezîrane de eşt serê Rêxistinê Partîya Demokratîke ya Şaran (HDP) Denîz Poyraz amebî qetilkerdene. Şarê kurdî her ca de wayîrê Denîze vejêno û reaksîyonê xo ramojneno. Tepişteya sîyasî ya Zîndanê Cinîyan ê Sîncanî Saadet Akin serê Denîze de şîîrêke nuşte. Pêvînayîşê hewteyî yê keyeyî de Saadete şîîra semedê Denîze nuştebî wend û semedê keyeyê Denîze sersaxî waşt.

 

Saadete dîyar kerd ke şîîrêka nuşta aye şexsê Denîze de dîyarîyê kesê têkoşînê demokrasî û azadî de dinyaya xo bedilnayê kena. Saadete nê mesajî Denîze rê neql kerd: 

 

"Destpêk de sereyê heme şarê ma û keyeyê hemraya ma Denîze sax bo. Sey dayîka ci vat, 'Denîzêke şî do bi hezaran Denîze bêrê', 'Hevrînêke şî bi hezaran Hevrîne bêra.' Do no têkoşî dewam bikero. Heta ala azadîye her ca de berz biba, no têkoşîn do dewam bikero. Embaza Denîze û her hemrayê ma bîyê roşn û her wext do rayîrê ma roşn bikerê. Ma zî tîya soz danê. Ma do serbikewê.

 

Ma dayîka Fehîmeye ra û pêro dayîkê ke sere wedarnenê silamanê xo roşenê. Vindertiş û têkoşînê dayîka Fehîme semedê ma bî moral û hêz da ma. Oyo ke serkewtiş bîyaro û şaran bikero yew no vindertiş o. Reyna oyo ke moral û hêz dano no vindertiş o. Reyke bîn  sereyê dayîka Fehîme sax bo. Ma hemverê şarê kurdî ke sere wedarneno de bejna xo tewênenê."

 

Şîîra Saadete ya bi kurdkî nuşta wina ya: