Oznur Deger - Dîlan Babat

 

ENQERE - Tulay Hatîmogullari hêrişê hemverê HDPyî û serebûtê welatî ser o ercnayîş kerd û vat: Semedê îqtîdaro bîyaye û rejîmê yew kesî bêro mende, hemverê têkoşînê muxalefetêk vera nê bibo, hêzê paramîlîter yê sey SADAT hetêk ra amade verdenê û nê rêxistinbîyayîşî de para wezaretê karê zereyî girîng o."

 

Demê peyîn de hîn serebûtê yenê ciwîyayîş îfşa keno ke tifaqê AKP û MHPyî nêeşkeno welat bi rayîra bero. Lîderê çeteyê mafyayî Sedat Peker derheqê wezîrê karê zereyî Suleyman Soylu û kesê girîng yê AKPyî de eşkerayîyê îfşakerdişî dabî. Nê demê ke têkiliyê dewlet-mafyayî yeno munaqeşekerdene de, Serdozgerîya Komara ya Dadgerîyê Dadgeha Destura Bingeyîn (DDB) derheqê HDPyî de 7ê hezîrane de reya diyîn dewaya padayîşî akerd. Dewa prosesêkê têkiliyê dewlet-mafyayî rojeve de bi ame akerdene.

 

Dewaya Qirkerdişê Sîyasî yê Kobanî ke mîyan de hemserekê pêroyî yê demê verî yê HDPyî Fîgen Yuksekdag û Selahattîn Demîrtaş zî estê  24 ci ra tepişte, 108 kesî yenê muhakemekerdene, 22yîn Dadgeha Cezaya Giran ya Enqereyî de yeno vînayene. Roniştişê 17ê Hezîrane de, endamêk heyetî vat, 'Serebûtê Kobanî de partîya ke bînaya ci zirar nêdîyo HDP yo’ û a saete de hemverê HDPyê Îzmîrî de hêrişêk ame kerdene û Denîz Poyraz ameye qetilkerdene.

 

Parlamentera HDPyî ya Edenî Tulay Hatîmogullari, serebûtê welatî û hêrişê hemverê partîya xo û qetilkerdişê Denîz Poyraz ercna.

 

'Selahîyetdarê dewlete berpirsîyar ê'

 

Tulaye vat, îqtîdarê AKPyî roja ke dest bi awankerdişê rejîmê faşîst kerdo, hêzê paramîlîter yê sey SADAT rêxistin kerdo û no rêxistinbîyayîş Tirkîya de yeno xebitnayene. Tulaye wina dewam kerd: "Teber de Tirkîya, Surîye, Lîbya û welatê bîn yê Rojhelatê Mêyanên de yena xebitnayene. Semedê îqtîdarê bîyaye û rejîmê yew kesî bêro mendene, hemverê têkoşînê muxalefetêkê vera ci bica bêro, hêzê paramîlîter yê sey SADAT hetêk ra amade verdenê. Nê rêxistinbîyayîşî de pare wezaretê karê zereyî esto. Tena wezaretê karê zereyî ney, serekkomar, selahîyetdarê hukmatî heme nê karî de ca gênê."

 

'Tesîrê ci yê serê komelî giran o'

 

Tulaye vat, lîderê mafyayî Sedat Peker kesê girîng yê mîyanê AKPyî de îfşa kerdê û do siba sebo nêno zanayene û vat: "Nê karî de hîn çîyê esasî estê. Nê zî pêrodayîşê mîyanê blogê îqtîdarî de yo. Tesîrê pêrodayîşan mîyanê îqtîdarî de serê komelî de xeylêk giran yenê vînayene. Serebûtê Îzmîrî nînan ra yew o. Îqtîdar zaf gonî vinî kerdo. Feqîrî, teda, sînorkerdişê azadîyan û dîktatorî, komel nêrehet kerdo. Ganî muxalefet fotograf baş bianco, baş bivîno, baş biercno."

 

'Vengdayîşê qirkerdişê Îzmîrî kerd'

 

Tulaye bale ant serê qetlîamê Îzmîrî û vat, çîyê mabêne weçînayîşê 7ê Hezîrane û 1ê teşrîna peyêne ameyê ciwîyayîş ana vîr û wina dewam kerd: "O wext hemverê Kurdan û muxalîfan de hêriş ame kerdene. Semedê nê zî şibyenê yewbînan. Çi heyf, muxalefet ra vanê ke 'nê rojê şima yê weş ê.' Sere de wezîrê karê zereyî, pêro şaxê AKPyî û serekê MHPyî vengdayîşê qirkerdişê Îzmîrî kerd. Hema zî kenê. Semedê nê zî mîmarê provakasyonan zî qiseykerdişê serekê pêroyî yê MHPyî meclîsî de kerdo. Îqtîdar nêeşkeno welat îdare bikero. Semedê nê hêzên leşker, polîs û SADAT kerdo dewre û hewl dano ke wina îdare bikero. Îqtîdar wextê xo pirr kerdo. Lazimîyê îqtîdarî bi weçînayîş û hêzêk esto. Ez vana ke dem demê paştdayîşî yo û ganî ma hemverê nê kayan aya bê."

 

Tulaye sewbîna hetkarîya lojîstîk û çekan ê semedê SADAT, OSO û DAIŞî yeno dayene zî ard vîr û bale ante serê îfşakerdişê Sedat Pekerî û vat: "Gelo no îfşa do parçebîyayîşêk awan bikero yan zî îqtîdar do sey 15ê Temmuze bi açarno îmkan? Nê persî yê. Eke muhakemeyêk baş bibîne, do rew ra bikewtêne dewre. No welatî de sosyalîst, çepker, rojnameger şîdet vînenê, muxalefet bedelo pî dano. Semedê nê zî bêvengî, ters zî do komelî terkê rijnayîşî bikero. 12ê Gulane de hemverê Merkezê Pêroyî yê HDPyî de hêrişêk virazya û semedê şikdarî nêameyî vînayene û cezakerdene, qirkerdişê Îzmîrî ame kerdene. Hêzê paramîlîter serê hêzê demokrasî rê şawenê. Ma prosesêkê kaotîk ra derbaz benê. Ma do têkoşînê huqûqî yê demokrasî bidê."

 

'Ma rapor gênê'

 

Tulaye dîyar kerd ke derheqê hêriş û qetilkerdişê Îzmîrî de MErkezê Pêroyî yê HDPyî de masaya krîzî dayê ro û çarçewaya xeberê ke Îzmîrî ra yenê rapor gênê. Tulaye heto bîn ra dîyar kerd ke derheqê babete de xebatêke aktîf kenê.