ZMÎR - Şînê Denîz Poyraz ke hêrişê hemverê HDPyî de amebî qetilkerdene, Taxa Çîmentepe de ame ronayene.

 

Semedê Denîz Poyraz ke hêrişê çekdarî yê hemverê Rêxistinê Partîya Demokratîke ya Şaran (HDP) de amebî qetilkerdene, şîn ame ronayene. Şînê Denîz Poyraz ke vizêr ameye definkerdene, Temsîlkarîyê HDPyî yê Taxa Çîmentepe Doga ya qezaya Konakî ya Îzmîrî de ameye ronayene. Şîn de fotografê Denîz û dowîzê “Ma soz danê Denîz, ma do aştîye bîyarê" ameyî daliqnayene. Dayîka Denîze, Fehîme û pîyê ci Abdulîlah Poyraz, parlamenter, hemserekê bajarî, îdarekar û endamê HDPyî sersaxîyan qebûl kenê.

 

Welatijî saetê serê sibayî de ameyî cayê şînî û sersaxî keyeyî rê waştî. Ame dîyarkerdene ke Dayîkê Aştîye do dimayê nîmerojî serdayîşê keyeyî bikerê û sersaxî keyeyî rê biwazê.