Oznur Deger

 

ENQERE - Waya sîyasetmedare Pervîn Oduncu ke yew sîyasetmedarê ke dewaya Kobanê de yena muhakemekerdene, Nevîn Çarkçilar, dîyar kerd ke dewa dewayêke muhtewaya ci veng a û vat: "Dewaya Kobanê de suc çin o, semedo ke kurd ê yenê muhakemekerdene."

 

Endama Meclîsê Partîya (PM) ya Partîya Demokratîke ya Şaran (HDP) Pervîn Oduncu yew 17 sîyasetmedarê cinîyan ra ke semedê dewaya qirkerdişê sîyasî yê Kobanê tepişte ya.  Pervîn Oduncu 25ê êlule Îzmîr de sereştişê keyeyî de semedê dewaya Kobanê ameye destbendkerdene. Dima ra ameye tepiştene û berdî zîndanê Cinîyan ê Sîncanî. Pervîne bi 9 mengî yo tepişte ya û dayîka ci pêwa emrê pîlî û nêweşîya alzheîmerî dimayê aşman kênaya xo salona roniştişî de dî.

 

Dayîka Pervîne, Hatîce Oduncu ercnayîşê xo ma dir pare kerd û waya ci Nevîn Çarkilar zî derheqê dewa de ercnayîş kerd.

 

Dimayê 9 aşman kênaya xo salona roniştişî de dî

 

Dayîka Pervîne, Hatîce Oduncu, dîyar kerd ke kêf û hîsî pîya ciwîyaya û semedê nêweşîya xo nêeşkaya şêra pêvînayîş û vat, dimayê demêk derg Pervîne kerda xo verike û demê kelegirî ciwîyaya.

 

'Heqê tu kesî çin o azadîya merdiman sînor bikero'

 

Nevîn Çarkçilar zî dîyar kerd ke prosesêk zaf zehmet o û nê prosesî de hem hetê ekonomî û manewî de zor û zehmetî ciwîyayê û vat: "Eşkenê muhakemeyê nêtepişyayîşî zî bikerê. Tu heqê kesî çin o, azadîya merdiman hende sînor bikerê. Dosyayan de xêrcê name û adresî çîyêk çin o."

 

'Semedê fikr û fehmê xo yenê muhakemekerdene'

 

Nevîne tewr peyîn wina vat: "Dewa hêrişêk vera kurdan a. Hêrişêk hemverê HDPyî yo. Merdiman kişenê û no zî sucê merdimayî yo. Hukm xora hukm nêyo. Komel hetê weşîye, ekonomî û sîyasî de qedîyayo. Îqtîdar semedê xo hîn xurt bikero verê xo dano Kurdan. Heta destê înan ra yeno hêrişê kurdan kenê, hewl danê bêveng bikerê. Bi tepiştiş, ceza, cuya merdiman ra diznenê. Yê ke yenê kerdene tu cayê dinya de çin o. Mezgê merdiman muhakeme kenê. Dewaya Kobanê de suc çin o, semedê kurd ê yenê muhakemekerdene."