MERKEZÊ XEBERAN - Camêrdo bi çekin O.G dekewt bînaya HDPyî ya Îzmîrî û xebatkara HDPyî Denîze Poyraz qetil kerd. O.G waşt binaya HDPyî bido adir ver. Hêrişkar ame destbendkerdene.

 

Camêrdo bi çekin O.G dekewt bînaya Partîya Demokratîke ya Şaran (HDP) ya Îzmîrî û xebatkara HDPyî Denîze Poyraz qetil kerd. O.G waşt binaya HDPyî bido adir ver. Hêrişkar ame destbendkerdene. Serebûtî ra dima Meclîsê Cinîya ê HDPyî û Tevgerê Cinîyanê Azadan (TJA) serê hesabanê xo tweettîr ra reaksîyon mojnayî. Meclîsê Cinîya ê HDPyî eşkerayîya xo de vat ke ‘Cinî do hesabê qetlîyamî bipersî’ û TJA wina vat ‘Wa herkes bizano ke têkoşînê azadîye ê cinîyan de qetlîyamo ke hesabê ci nêameyo perskerdene çin o’.

 

Meclîsê Cinîyan ê HDPyî mesajê xo de wina va:

 

“Îqtîdar û hemkarê ci ke bîyî sebebê qetilkerdişê embaza ma Denîz Poyraze do hesabê pêroyê hedefnîşandayîşan bidî. Cinî do hesabê qetlîyamî bipersî.”

 

TJA zî mesajê xo de înan vat:

 

“Ewro bînaya HDPyî ya Îzmîrî de vera aktîvîsta ma de hêrişêko wehşîtî virazîya. Hêriş bi hemkarîya dewlet- camêrdî virazîya û embaza ma Denîz Poyraze ameye qetilkerdene. Wa herkes bizano ke têkoşînê azadîye ê cinîyan de qetlîyamo ke hesabê ci nêameyo perskerdene çin o.”