MERKEZÊ XEBERAN - Hêrişkero ke awanîya HDPyî ya Îzmîrî veşnaye xebatkara HDPyî Denîze Poyraz qetil kerd. HDPyî vat: ''Êyê ke no provakasyono bitehluke kerd, fermandarê nê serebûtî îqtîdar o ke partî û rêxistinê ma sey hedef mojnayêne.

 

HDPyî vat: ''Bi mengan o partîya ma hetê îqtîdarî ra, Wezaretê Karanê Zereyî ra yeno hedefkerdene, pê armancê provakasyonî tay keyeyî verê bînayanê ma de nişnenê ro. Netîceya înan de ewro serê sibatî saete 10.30 de vera awanîya partîya ma ya Îzmîrî hêrişo çekdar ame kerdene.''

 

HDPyî da zanayene ke hêrişker 35-40 serre yo û wexto ke xebatkara partîye Denîze Poyraz zere de bi eşt awanî ser.

 

HDPyî vat: ''Hêrişkerî guleyî raşnayî derûdore û awanî verdaye adirî. Xeylêk wext ci rê mudaxele nêame kerdene. Hêriş de xebatkara  partîya ma embaze Denîze Poyraz ameye qetilkerdene.''